Nid yw creu amgueddfa newydd yn dasg syml a phan mae’n ddwy amgueddfa mewn un adeilad mae’n anoddach fyth. Rhan o greu amgueddfa newydd yw creu’r brand a fydd yn codi ei broffil yma yng Nghymru, ond hefyd ledled y DU a thramor.

Rydym am weld yr amgueddfa newydd yn sefyll allan, fel ein baner, ac rydym am iddi fod yn wreiddiol. Y nod yw creu brand sy’n adlewyrchu’r hyn yr ydym yn ei werthfawrogi am bêl-droed yng Nghymru ac am Wrecsam. A gallwch chi helpu….

Cyn bo hir byddwn yn cyflwyno brand arloesol ar gyfer profiad amgueddfa newydd, lle mae calon dinas Wrecsam yn cwrdd ag enaid pêl-droed Cymru. Bydd y brand newydd hwn yn cynrychioli dwy amgueddfa wahanol yn dod at ei gilydd mewn un cyrchfan deinamig. Wedi’i gynllunio i ddal hanfod hanes cyfoethog dinas Wrecsam ac etifeddiaeth fywiog pêl-droed Cymru, mae’r brand hwn yn addo taith ymdrochol trwy’r gorffennol, y presennol a’r dyfodol. Bydd yn ddathliad o ddiwylliant, chwaraeon a chymuned, gan ysbrydoli ymwelwyr o bell ac agos i archwilio, dysgu a mwynhau.